Evelyn抽時間帶Tom見家長
不認不認還需認，o靚模Evelyn（蔡穎恩）經常堅稱與Mr.成員之一的Tom是好友關係，但昨日出席活動時坦承被對方的音樂才華所吸引，稍後更會安排雙方見家長！
昨日Evelyn聯同Ase（王惠敏）與及Celina Jade（靖珊）為「wtc more 世貿中心」擔任模特兒，展示林海峰與大會交叉合作的一系列Mr. PANEL別注版波衫。
揀男友睇內涵
Evelyn受訪時坦言自己不是一個忠實足球迷，但必會欣賞每四年一次的世界盃，她說︰「我向來都鍾意碧咸，今次佢受傷冇得上陣，但睇到朗尼都心滿意足。（你鍾意朗尼外形？）係！（你唔鍾意靚仔？）最重要實力。（另一半都唔使靚仔？）靚仔係錦上添花，要睇內涵，否則就係花瓶！（緋聞男友阿Tom？）佢都有才華，識音樂男仔都吸引，教到我音樂方面知識。（佢靚唔靚仔？）個問題好尷尬，佢OK，見得吓人。」問到有否帶Tom見家長？她面露尷尬說:「佢好忙。（即係話雙方未見家長？）乜好朋友要見家長？咁要約時間，我都唔知有咁嘅規條！」
林海峰畀女踢
另邊廂的林海峰被問到女兒有否遺傳他的設計天分？他說:「做父母總會覺得有，睇佢哋自己發展。」對於張學友一家感染腸病毒，他笑說：「好似話愈乾淨愈容易染到，最重要做好本分，多清潔同洗手。」至於女兒有否學足球？他笑說:「有時我瞓喺度，佢哋都會嚟踢我，我都算足球一部分！（囡囡會唔會睇靚仔球星？）佢哋未有興趣，都係對卡通人物有興趣啲！」
向來幽默的林海峰與新鴻基地產代理租務部總經理鍾秀蓮合照時，更笑稱相片刊登後，對方會被誤以為是太太彭羚，記者笑問二人是否貌似？他說:「唔係，只係你哋好耐冇見佢啫！」
文：名人組