Race：多謝！證明我靚咗！
近日被發現容貌有變的黃婉佩（Race），不但鼻子挺直，連眼睛也變大了，不過Race就否認整容，笑言很多謝那些整容報道，證明她是變得漂亮了！
前晚Tsumori Chisato舉行2010秋冬時裝展，大會請來官恩娜、Race、諸葛梓岐及陳見飛撐場。其中穿着品牌價值$9,399白色喱士裙的Race，被問到有指其突然鼻挺眼大的整容報道？她不怒反笑說：「多謝佢哋，咁即係證明我靚咗啦，（唔介意咩？）當然唔會，咁我係靚咗嘛！」
不考慮打botox
Race透露近日為新歌排舞而勤做瑜伽操弗身形，問到覺得想改善身體哪部分？她說：「希望pat pat可以翹啲，同埋面尖啲，（會唔會考慮打botox？）暫時唔會住，或者等老啲先，如果咁快打，咁之後成世都要打囉！」
她又謂男友愛她豐滿一點和曲線玲瓏一點：「佢唔係好鍾意太瘦嘅，所以成日質我食嘢，（有冇搵你同o靚模比較？）冇，亦唔應該同人比較，我自己都唔會攞男朋友去同人比較啦！」她表示父親節將會返老家新加坡和Daddy慶祝，但就笑指Daddy投訴她的心已留在香港。
陳見飛心急嫁
而陳見飛甫見記者就澄清結婚傳聞：「我想講我仲未有戒指，所以唔係正式，之前啲結婚報道出晒街，好多朋友打嚟恭喜我，我好尷尬！（男友有冇求婚？）冇，但有問我鍾意咩形狀嘅戒指。」記者問身為基督徒的她有沒有破戒發生婚前性行為？她坦白地說：「我仲等緊，我都想快啲，有少少忍唔住，咁我哋都有攬同錫，其實啱啱拍拖時大家都傾過呢個問題，佢都有問我佢需唔需要做埋基督徒，咁我覺得唔需要囉！」
文：名人組