張苡澂揀周汶錡牛一嫁鑽石大王
曾與周汶錡法籍男友Julien Lepeu傳緋聞的張苡澂（Venus），於五月二十日在海南島沙灘舉行婚禮，嫁給現年三十五歲的億萬富豪二代Michael。原來五月二十日正值周汶錡生日，唔知Venus攞景定贈興？
Venus在娛圈浮沉數年，去年與周汶錡男友Julien在街頭一咀成名，事後惹來第三者稱號，有傳當時令周汶錡非常火滾，但估不到Venus原來已找到另一半。據知Venus與Michael拍拖剛半年已決定結婚，於五月二十日，二人在海南島一個沙灘上舉行中西合璧的婚禮。Venus老公姓宋，英文名Michael，於美國出生並畢業於美國麻省理工大學，家族經營鑽石生意，身家以數十億計。
沙灘上行禮
Michael為遷就女家親人，故選擇在海南島一沙灘上舉行婚宴，婚宴中西合璧，早上玩踢轎門及騎白馬，再到沙灘筵開8圍，而在晚宴上，Michael公開表示愛Venus一生一世，場面非常感人。晚宴完畢後，一對新人及賓客再到一間門牌為8888的別墅狂歡。而Venus與Michael現身處美國度蜜月，稍後再到紐約舉行婚宴，婚後將在上海定居。另外，周汶錡對此事透過電話表示：「我冇回應！」
老公被大讚
此外，名媛區詠梅亦有份出席婚宴，她大讚Michael：「佢好到不得了！又熱愛中國文化！」而有傳張苡澂是次嫁得出，全靠風水師七仙羽，七仙羽說：「男仔唔係我介紹，係佢啲朋友介紹，我係有幫佢做嘢，都係響桃花位擺吓鮮花，同埋做法事，做咗半年！」
文：名人組