詩詩小產媽咪補身老公補心
汪詩詩與妹妹汪圓圓及媽咪齊出席ageLOCTM活動，詩詩被問到小產一事，她表示是一月的事，本沒想過講出來，但身邊朋友知道都很關心她，詩詩說：「件事過咗個半月後我先去睇醫生，咁係唔好，提醒女士如果有事即睇醫生，唔好拖。（老公有無整補品畀你？）呢啲交畀媽咪，不過老公知件事都即飛返港陪我解決，我依家一切很好。（會否再生？）呢啲順其自然。」
另外，與詩詩及圓圓猶如三姊妹的汪媽媽，保養得宜，問她有否教女兒keep fit？汪媽媽表示叫兩個女生活要有規律、少食多餐、早啲瞓同做運動，保持個人開心便自然容光煥發。對詩詩小產，汪媽媽表示女兒心情已好轉，現睇緊醫生，她說：「實會可惜，不過冇辦法，係意外，當係人生經歷。」
