莊思敏瑞莎一握化干戈

不少台模包括瑞莎、李毓芬和林若亞頻頻來港搵食，搶去港模不少地盤。前晚，時裝品牌Nine West 2010舉行秋冬系列活動，集合港、台兩地名模，包括港模代表Jacquelin、Ana R.和Amanda S.及台灣代表瑞莎撐場。對於台模瑞莎殺入香港，Jacquelin不諱言反問記者：「邊個？我唔識佢，因為我冇睇台劇。」被問會否擔心台灣幫搶飯碗時，她坦言：「都驚唔到咁多啦，年年都有唔同新人，上年同今年都好多模，又有台灣幫，我慶幸自己轉型，希望遲啲做埋電影。」

望長期來港工作

瑞莎則透露來港做藝人是她的夢想，希望拿長期工作簽證方便來港工作：「五月很多時間都在香港拍廣告、行時裝騷，我在港的粉絲比台灣還要多！（來港發展搶地盤？）不要這樣說，我們各自都有厲害的地方。」她又澄清暫未有男友，而緋聞男友萬寧哥哥也非真命天子，但她承認有異性追求，不過太忙沒時間拍拖。她又即席以廣東話冧粉絲：「你好，我係瑞莎。」發音尚算清晰。

Miki對Cookies重組有所保留。	Ana R.（左）和Amanda S.以本地名模名義大晒美好身段。	岑潔儀性感打扮出席活動，十分養眼。

Jacquelin和瑞莎各自成為焦點，獲大會介紹後，兩人應記者要求合照，Jacquelin更主動伸手與瑞莎握手，盡顯友誼一面，場面全無火藥味。兩人更不約而同地透露有意進軍電影圈，實行由模界鬥到影壇，瑞莎更自爆已接拍電影，幾乎肯定會開工！

Miki籲廢隊長制

另外，同場的楊愛瑾（Miki）回應前九人女子組合Cookies重組時，顯得有所保留：「如果問我重唔重組，我覺得OK，不過有啲好耐冇見！」至於會否找鄧麗欣再當隊長？Miki坦言不需要隊長：「唔需要話邊個話事，大家大個咗，唔需要代言人。（焦點喺傳不和嘅鄧麗欣同傅穎身上？）唔覺佢哋不和呀。」

文：名人組