羅苡之舞台劇擔正寶珠姐撐行
羅苡之（Tisha）出生自演藝世家，姨媽是影迷公主陳寶珠，父母羅樂林與陳寶儀都是好戲之人，繼舞台劇《我愛萬人迷》、《未死Duck》後，Tisha將與港男陳志健（Otto）合作另一齣舞台劇《鴨仔嘜》，這是二人第三度結戲緣，在劇中飾演一對情侶。
Tisha今次首度擔正女主角，幸好她有強大後援，她說︰「爹哋媽咪知我今次戲份好重，話如果我有正式綵排，就叫佢哋去睇，可以畀意見我去改善。」而寶珠姐亦十分支持Tisha，她稱︰「佢都有睇過《未死Duck》，話我做得好自然，叫我朝住呢個方向就啱。」
至於Otto稱最緊張的是《鴨》劇中臨尾一場喊戲，他說︰「臨尾一場我會同Tisha合唱，初初排嘅時候大家未熟，但都忍唔住喊，首歌好感動。」
另外，早前Tisha的前男友趙式浩被拍到與新女友拍拖，Tisha表示早已知情，她說﹕「我同式浩有保持聯絡，我仲遇過佢同女友一齊食lunch。」