妙芝大仔表演欲強行騷搶咪
已是兩子之母的歐陽妙芝，昨日帶同兒子及父親出席「MegaBox母親節三代同潮花生騷」，妙芝與囝囝更以母子裝上陣，十分鬼馬。
期間，妙芝與大仔Achille上台行騷，Achille未有怯場，搶「咪」之餘又說個不停，十分活潑。妙芝坦言大仔很有表演欲，之前已急不及待要上台，她說：「佢好鍾意表演，喺學校經常被人揀中上台，係合唱團代表，每年都負責做聖誕表演嘅司儀。呢方面佢好似爹哋，我個人比較內斂。（將來會唔會畀佢做藝人﹖）睇佢大個發展點樣，等佢讀完書先。」
妙芝稱今次並非大仔首次行騷，但在母親節行騷分外特別，是個很好的回憶，問到囝囝送甚麼禮物給她，她開心地說：「佢整咗一個首飾盒同穿咗一條珠鏈畀我，今年佢爹哋終於醒目，代囝囝送咗紮花。」另外，妙芝表示本月13日是大仔五歲生日，屆時會一家人到日本慶祝。