田代麻衣真空透視撼o靚模
日本通王友良與椋名凜結束合作關係後，從日本找來模特兒田代麻衣（Mai Tashiro）作秘密武器取代她。Mai昨日接受訪問時，否認取代椋名凜，更謂無意穿比堅尼泳衣拍寫真撼港產o靚模，她說：「我一定唔會着泳衣影寫真，我嘅賣點係夠高，但個樣又勝在夠青春，我對自己呢方面好有信心。」雖然抗拒穿比堅尼，Mai卻願意為時裝犧牲，接受真空上陣穿透視裝，她解釋：「只要係行時裝騷，着透視裝都冇問題，最緊要有時裝感，同埋形象健康！」
Mai坦言對o靚模不太熟悉，僅認識Angelababy和Jessica C.，她說：「Angelababy喺日本好紅，而我同Jessica C.認識，係因為佢同我都係模特兒公司Satoru Japan嘅模特兒。」Mai坦言三月已來港發展，至今差不多兩個月，被問到與男友分隔異地會否影響感情，她說：「因為兩地分隔，我哋好耐冇傾偈，不過冇辦法，依家係事業比愛情重要。」
