JC裸鬥o靚模冇底線
人氣索模Jessica C.去年火速彈起，紅爆o靚模界。食住警鐘胸的熱潮，Jessica宣布將會加入寫真戰團，與一眾o靚模同在書展推出寫真集，並預告會冇底線演出，看來這股赤裸戰火勢將激烈爆發！
昨日Jessica C.出席甜品活動，她透露平日愛煮西式甜品，亦經常為男友下廚，意粉、三文治及蛋糕等都是她的拿手食物。
盡力做賢妻
Jessica笑說：「我通常會喺特別嘅日子例如佢生日或者情人節就會煮燭光晚餐畀佢食，我覺得煮甜品係一件好sweet嘅事，亦係好好嘅禮物。」
問Jessica覺得自己是否一位賢妻？她笑說：「我會盡我能力去做，其實我都好鍾意煮嘢食，不過就最唔鍾意洗碗，所以通常都係我煮嘢食男友洗碗。」而談到其寫真進展？Jessica透露日內便會開始拍攝工作，地點應該會選在香港，問到會否穿上性感比堅尼？她大方地說：「一定會啦，（有冇底線？）其實我唔怕醜架，只要影得靚就OK，（如果赤裸上陣但用手遮住重要部位呢？）我都可以接受架，（男友呢？）佢都可以，佢好支持我，畀我做我自己鍾意做嘅嘢，佢真係一個好好嘅男朋友，令我好開心！」
未能陪母親
此外，問到如何慶祝母親節？Jessica表示因有工作在身而未能與母親慶祝，但會越洋送花和朱古力給媽媽，她說：「之前媽咪生日我已經錯過咗，我諗佢想殺死我，所以九月一定要返美國同佢慶祝生日呀！」
文：名人組