擺脫票房毒藥之名 阿樂請遊深圳

余文樂與楊千嬅主演的電影《志明與春嬌》票房節節上升至六百萬，早前阿樂曾表示若票房超過八百萬便會請同事去旅行，前晚他出席izzue活動時就招積表示怕要兌現承諾，更笑言請同事去深圳當旅行。他說：「套戲已經上咗六個星期，開始驚要實行呢個承諾，最好就係去到799萬啦，如果801萬就真係唔抵囉！」記者指他揮低一眾天王如黎明及張學友的票房，他謙虛地說：「冇諗過套戲會有咁大回響，依家出街啲人都係叫我志明；其實一部電影成唔成功關係好多因素，唔係我話想要有票房就有，但依家起碼可以證明我唔係票房毒藥。」
余文樂與張智霖密密咬耳仔。
余文樂與張智霖密密咬耳仔。

而出席睇騷的還有Janice Man、張智霖、台模李毓芬等，對於近日代公司新人JW拍MV，Janice Man說：「我覺得好有噱頭，意念好新鮮。」她又謂暫時不會再唱歌，會專注電影發展。

李毓芬着熱褲撐場。
  • 李毓芬着熱褲撐場。
Janice Man將主力發展電影。
  • Janice Man將主力發展電影。
眾模特兒行騷，打扮型格。
  • 眾模特兒行騷，打扮型格。