陳法拉黑面談瞞婚：毋須交代

陳法拉和陳豪昨日現身沙田馬場，為由香港賽馬會舉行的《愛彼錶女皇盃》擔任嘉賓兼模特兒，而鄭伊健亦為同品牌愛彼錶出席於深圳萬象城專賣店的開幕活動，更參觀了內地首間使用石頭牆設計的專賣店。

發燒獨留愛巢休息

身穿Deep V裙的法拉胸前貼上膠紙，對此她說：「我最近瘦咗，尋日啱啱拍完套劇就即刻發燒，依家都有唔舒服。（「老公」有冇氹番你？）乜你哋咁講嘅？我自己留喺屋企瞓覺休息，都唔敢同屋企人講。」

早前被傳已跟Neway太子爺薛世恒秘密結婚的她，至今仍沒有親口證實婚事。談及吳彥祖與Lisa S.曾瞞婚一事，法拉即收起笑容，黑面表示：「我知道佢兩個喺非洲結咗婚，恭喜佢哋。佢哋唔講係佢哋嘅選擇，咁多Pair都選擇呢個方式係有原因，藝人都係身不由己，不過結婚都係開心事。（唔講對fans唔公平？）私人事某程度上冇需要同公眾交代。」

同場出席盃賽的還有趙世曾和新女友隋麗娜、女兒趙式芝、蔡加頌和太太、劉香萍及貝安琪母女等。

蔡加頌宣布太太懷孕四個月。

劉香萍跟貝安琪母女齊到馬場觀賞賽事。

陳豪冇為阿佘賀壽

另外，最近有報道指陳豪為緋聞女友佘詩曼慶祝生日兼吻賀對方，他解釋當日正在拍攝劇中一大場面，並不是在慶祝生日。

問廖碧兒看到報道後有沒有生氣？陳豪說：「冇話激親邊個。（同佢解畫？）冇，大家睇完都知咩事。」 文：名人組