《超級巨聲》捧紅咗唔少新星，其中最搶眼嘅都可以算係「孖寶」周志康同周志文，佢哋喺節目中兄弟情深，感動咗唔少觀眾，好多人都想知呢對孖仔會唔會真係有啲「心靈感應」嘅嘢，佢哋就話其實都冇，不過就試過一次類似嘅經驗。
事緣有次大孖志文返屋企途中哼緊首歌，點知一返到屋企，細孖志康又係哼緊同一首歌！最神奇嘅係首歌超冷門，平時都好少會聽到，呢啲可能就係「心有靈犀一點通」。
