鄧鳳賢出書籌款內地築橋
前仁濟總理兼本地著名室內設計師鄧鳳賢（Anita），籌備兩年的個人作品《寫給空間的情書》即將面世，她開心謂願望終於達成，而且還不忘做善事，她說：「我同出版社合作，佢哋會送五百本書畀我，我會叫啲人捐錢，捐五百蚊就會送書，再將啲錢捐畀『無止橋』慈善機構，呢個機構係幫大陸鄉村地方起橋。」原來鄧鳳賢之前去過探訪，有些地方真的路好難行，她說：「要過河時都無條完整嘅橋，只係用大樹幹平放畀人過河，睇到都好危險，今次目標希望籌到廿五萬，我哋已認咗頭喺雲南一個村起條橋。」
Anita今年出書，內裏有她以往五年精心設計的室內作品，她說：「入面有各種不同嘅風格，現代、古典、新潮、舒適等，我一直好想出一本對空間情懷嘅書，依家心願終於達成，與大家分享。」