粉絲為咗氹偶像開心，會留意偶像嘅喜好同最新動向，希望拉近彼此距離。好似樂隊Mr.嘅結他手MJ咁，班粉絲知道佢最鍾意食「熊仔餅」，就成日買最大盒嘅家庭裝請佢食。有次歌迷又送咗大大盒「熊仔餅」畀MJ，但係因為佢要上台玩遊戲，惟有叫工作人員代為保管，MJ仲話：「你一陣要畀番我㗎喎！記住呀！」咁緊張歌迷嘅禮物，唔怪得佢哋愈嚟愈多fans啦！
