筍價Core i3筆記簿街霸喪打唔肉赤

以前想買部打機Notebook，出街當做流動機舖同人挑戰，閒閒哋要花成萬元。時至今日Intel新一代Core筆記簿面世，內置獨立顯示晶片只係六、七千元經已叫人心動，近日仲竟然在腦場發現部Hasee神舟Core i3新機，以超筍價$4,490攻入香港，試過Online打《街霸IV》、睇1,080p片感覺都順到痹，打機打得肉緊時大力敲鍵盤都唔怕心痛。
大機必備DVD燒碟機，方便安裝遊戲、播放影片、備份重要檔案等。
大機必備DVD燒碟機，方便安裝遊戲、播放影片、備份重要檔案等。

撰文：鍾鎮科 攝影：盧展程 查詢電話：2307 7390 模特兒：Zoe@KOMSOMOLSK

新Core i3處理器

熟悉內地產品的用家可能對Hasee不會陌生，它是繼Lenovo後中國第二大電腦品牌，今次雖然遲過人哋兩個月才推出Core i3筆記簿，但早出早享受、遲出自然平兩舊，令這部Hasee A460-i3比同級14吋機款平一大截，最重要是速度仲要快過人。此機採用Core i3-330M （2.13GHz）處理器、2GB記憶體，配以GeForce GT 325M獨立顯示卡，迎合打機新一代潮流。

機身有齊USB、VGA和讀卡器，仲可以HDMI直駁大電視打機睇片。
  • 機身有齊USB、VGA和讀卡器，仲可以HDMI直駁大電視打機睇片。
內置130萬像素Webcam，玩視像更方便。
  • 內置130萬像素Webcam，玩視像更方便。
配上6-Cell大電池，出街打機睇片大約可捱到2~3小時，去旅行建議買多枚備用。
  • 配上6-Cell大電池，出街打機睇片大約可捱到2~3小時，去旅行建議買多枚備用。

GeForce獨立顯示

為了測試GeForce GT 325M流動打機威力，小記試玩幾鋪《街霸IV》，感覺同桌面機一樣流暢，而《Street Fighter IV Benchmark》還達到B級水平，比一般內置顯示Core i3機種只有E級成績，打機速度快上幾倍；用來睇1,080p全高清影片肯定唔會窒，仲可以HDMI駁大電視變身流動娛樂中心，將來推出加強版《Super Street Fighter IV》（4月28日推出、PS3/Xbox 360版）肯定都夠玩。

Core流動處理器取代Core 2 Duo成為主流筆記簿大腦，四千幾元有部Core i3新機勁吸引。
  • Core流動處理器取代Core 2 Duo成為主流筆記簿大腦，四千幾元有部Core i3新機勁吸引。
《Street Fighter IV Benchmark》拎到B級水平，畫面超過50fps，動作幾快都唔見殘影。
  • 《Street Fighter IV Benchmark》拎到B級水平，畫面超過50fps，動作幾快都唔見殘影。
14吋大機規格厚度有番咁上下，重成2.5kg唔係人人接受，但勝在四千幾元夠平。
  • 14吋大機規格厚度有番咁上下，重成2.5kg唔係人人接受，但勝在四千幾元夠平。

同場加映：11.6吋CULV超薄質感

可能上班一族覺得14吋Core i3有點笨重，其實Hasee同期另有多款輕薄筆記簿襲港，滿足一眾流動用家需求，當中U20-C17採用11.6吋大芒CULV省電規格，最吸引是純白機身厚度不過25mm，內置Celeron級數ULV 743處理器、1GB記憶體及250GB硬碟，連埋電池重量只得1.4kg，定價三千元有找着實吸引。不過要提醒各位，Hasee國產機唔似一般套裝機預載視窗系統，用家可在買機時加$750載入《Windows 7》或自己DIY搞掂。

Hasee U20-C17輕薄筆記簿採用11.6吋CULV規格，定價$2,990仲抵過玩Netbook。
  • Hasee U20-C17輕薄筆記簿採用11.6吋CULV規格，定價$2,990仲抵過玩Netbook。
25mm超薄機身將大多周邊插頭如LAN、VGA、讀卡器移至機背。
  • 25mm超薄機身將大多周邊插頭如LAN、VGA、讀卡器移至機背。

規格表

處理器 Core i3-330M

記憶體 2GB

硬　碟 320GB

顯示屏 14吋LED（1,366×768）

其　他 GeForce GT 325M獨立顯示、DVD燒碟機、HDMI輸出

體　積 340×235×33.8mm

重　量 2.5kg