Ana R.蝕底被寸羞恥

昨日JC以代言人身份出席Pearl de Beaute尖沙咀新店開幕，其他出席嘉賓還有Ana R.、貝安琪及陳嘉容。大會安排一眾model在布景板前拍照，期間穿着超短裙的Ana忽然自顧跳上接待處的枱上擺甫士，「不經意」的春光乍洩成功吸引記者焦點。其後記者指她走光露底？她笑說：「係咩？咁係咩顏色呀？（白色？）係黑色呀。可能我啱啱放完假，所以個人警覺性低咗，就大意咗啦！」她表示專程來捧師妹JC場，還大方借裙子給她：「佢舊年成績好好，我為佢好自豪，佢太忙所以冇時間買衫，尋（前）晚就上咗我屋企借裙。（你哋身形咪一樣？）差唔多啦！」

嗌完交回到蜜月期

而慘被搶風頭的JC甫坐下做訪問即以咕𠱸遮着大腿慎防走光，記者笑問曾經走光的她是否怕像Ana般春光乍洩？她聽罷即暗寸說：「錯一次就OK，如果兩次我就覺得好羞恥！」談到有網上調查指她的美腿比天王嫂熊黛林和樂基兒更長？她笑說：「我雖然唔係好高，但我對腳卻好長，所以平時我都會特別護理。」問到男友覺得她一對長腿性感還是警鐘胸性感？她甜笑說：「佢鍾意我所有嘢，佢成日話我好hot。（之前同佢嗌交喎？）嗌完後佢話仲愛我，所以我哋依家就返番去蜜月期！」

穿斜膊裝的Jessica C.表示，試過走光之後都會提高警覺。	陳嘉容（左）與貝安琪均以一身白色裝扮亮相。	Ana R.捧師妹Jessica C.場（左一、二），與貝安琪及陳嘉容（右一、二）出席新店開幕活動。

陳嘉容sms撐死敵

同場的陳嘉容被問及死敵陳沛嘉（Balia）老公彭文堅被拍得攬女偷食一事？她表示已發訊息安慰Balia，問她與Balia是否已破冰？她說：「我哋冇嘢㗎，一直都係好朋友，我send SMS畀佢，佢都有覆我，話人生會有好多唔同嘅經歷，我話會永遠支持佢，不過我係會偏心佢，因為我會幫女仔。」她又指若偷食事件發生在自己身上，她絕不能接受：「會好傷心，好介意，一定會分手！」

文：名人組