JC長腿撼贏熊黛林

Jessica C.憑警鐘胸響朵，不過就算唔騷胸，其43吋美腿亦成功揮低兩位「天王嫂」熊黛林及樂基兒，成為女裝鞋品牌AEROSOLES春夏廣告女主角。她在廣告中更以低胸及露腿上陣，又大擺高難度瑜伽甫士，瞓身演出。

羨慕樂基兒

早前品牌為選出廣告女主角，特別向2500名VIP進行網上調查，選出「誰是娛圈美腿女王」，結果由Jessica C.力壓其他候選人勝出，其他候選人包括樂基兒、熊黛林、Ana R.、諸葛梓岐等。對於奪得美腿女王之稱號，Jessica謙稱︰「唔同模特兒都有唔同優點，好似樂基兒嘅嘴唇非常性感，諸葛梓岐有甜美笑容，都令我好羨慕。」她又笑言大家終於可以將焦點由她的上半身轉移到下半身。

Jessica為今次廣告拍攝瞓身演出。

熊黛林的長腿不敵人氣爆燈的JC。 （資料圖片）

提到買鞋，Jessica稱雖然男友不會買鞋給她，但會與她一齊選購鞋履，她甜到漏說︰「遇到佢鍾意嘅款式，我會毫不猶豫咁買，因為我着乜上身，都係想畀佢睇啫﹗」

絕食8小時

至於拍攝廣告硬照時，Jessica以性感女神、OL及鄰家女孩造型上陣，而廣告的攝影師Graham Uden也大讚她身體纖細靈活，輕易做出S形曲線。為保持最佳狀態，Jessica在8小時的拍攝中沒有進食，還不停說笑逗工作人員開心，成為大眾的甜姐兒。 文：名人組