瞿穎唔怕情敵懶睇實男友
瞿穎日前出席活動，表示相信早前其男友張亞東與莫文蔚在北京密會是炒作新聞，就算自己無事忙亦懶得睇實男友，似乎對男友充滿信心。
日前SWAROVSKI ELEMENTS假北京中央美術學院美術館舉行晚宴，展出由22位時裝大師為品牌設計的Little Black Dress，女星瞿穎、丁子高、張天愛與丈夫、模特兒陳碧舸等也是座上客。
嚴格挑選劇本
瞿穎以一身黑衣到場，對於早前其男友張亞東與莫文蔚在北京密會，瞿穎語帶輕鬆地說︰「炒作新聞好無聊，我不太理會。（近排有乜忙？）無事忙，雖然有劇本搵我，但我好嚴格挑選。（有好多時間可以睇實男友？）我好懶。」
至於將於年尾補擺喜酒及影婚紗相的丁子高，表示有意為太太楊千嬅設計婚紗，他稱從今次展覽會中得到啟發，想突破傳統，設計一件黑色婚紗。
設計黑色婚紗
丁子高說︰「我見到好多閃令令嘅黑裙，覺得好靚，啟發到我加入閃閃嘅元素設計佢件婚紗。其實黑色都幾靚，再激啲可以用黑色做婚紗，邊個話婚紗一定要白色。」
此外，前晚楊千嬅與丁子高出席在上海舉行的慈善演唱會，據知該演唱會由丁氏家族發起，為上海的智障兒童籌款，最後共籌得150萬。丁子高在演唱會上獨唱之餘，又與兄姊合唱，而千嬅則壓軸獻唱。問千嬅為何不與丈夫合唱？她開玩笑說︰「留番演唱會先啦！佢獨唱時候好緊張，我企喺側邊望住個大電視，見佢手都滴汗，等佢練吓先啦！」至於丁子高被問到何時生BB時？他笑言︰「我會第一時間通知傳媒，可能喺年底啦！」
文：名人組