何猷亨認玩玩吓：佢諗多咗

賭王何鴻燊與四太梁安琪兒子何猷亨早前疑因不滿有人向傳媒放料，最後由胞姐何超盈代他出面向模女友文宇提出分手。昨日何猷亨與弟何猷君出席「保良局己丑及庚寅董事會交代就職典禮」，為母親撐場，而新一屆總理陳細潔及蔡志明太太李惠莉等亦有出席就職典禮。

同佢唔熟

提到分手一事，問猷亨是否仍傷心，他笑謂：「點會傷心，分咗就算。（點解叫家姐代你講分手？）因為我好多嘢做，冇時間。（文宇利用你？）我冇諗呢個問題，分咗就算。」

不過，當提到文宇將二人合照放上Facebook，問他是否還有其他蜜照時，他即時劃清界線說：「我唔覺我哋係拍拖，我玩玩吓，佢紅咗就恭喜佢囉！我冇所謂，我同佢唔熟，希望唔好再拉埋一齊講。（佢係你初戀？）唔係，唔好玩啦！（佢一廂情願？）係佢諗多咗。（同佢仲有冇聯絡？）冇。」

何猷亨講到曾同他一齊在街邊吃小串的文宇時，直言對方諗多咗。

放大圖片

四太開通

至於何時會搵番個正式女友，他直言不相信拍拖，又指自己年紀尚小，加上就快考試，要忙於溫書，問他是否母親不准拍拖，猷亨否認：「唔係。（爹哋唔想？）佢冇講過。（揀女友有乜要求？）好似家姐講嗰啲囉！（要低調？）係。（好似媽咪咁靚？）當然啦！」

至於梁安琪對兒子拍拖表現開通，她大讚：「佢哋好乖，女友唔需要畀我過目，但最好讀完書先。」日前賭王外出與三太慶祝結婚紀念，問何時輪到她，她稱自己怕醜，不需要慶祝。 文：名人組

蔡志明太太及陳細潔出席就職典禮。

陳細潔