iPad水貨炒高$3,000 9.7吋芒打機High

上星期六，一句：「iPad is here.」吸引了不少人在美國各州排隊買新推出的iPad。事隔日幾，呢陣風就吹到香港先達廣場，有賣iPad的舖頭全部逼爆人，個個都爭住摸吓、睇吓，甚至帶埋返屋企！

iPad除了專屬程式外，亦支援iPod Touch及iPhone的軟件，操作時可縮成iPhone屏幕大小，或是一按右下角的「1x/2x」icon切換至全屏幕。

美國首日售30萬部

由於iPad發表後反應一般，大家又偏向選擇3G＋Wi-Fi版本iPad，還以為冇人會排隊買首批只得Wi-Fi的版本。殊不知在美國第一日開售，已經吸引大堆人排隊買機或提貨。Apple更公布首日售出了30萬部iPad，認真誇張。香港雖然未有行貨，而且iPad亦未支援繁中介面及輸入，不過很多用家本着「最緊要快」的心理，一於買咗先講！

1GHz處理器

iPad是首先採用最新A4 1GHz處理器的機款，並使用iPhone OS 3.2版本，經試用後，發覺操作速度比iPhone 3GS更為爽快，開啟Apps的等候時間更短。iPad支援大部分iPhone Apps，用9.7吋屏幕玩iPhone Game體驗一流，但當然玩保齡一類體感玩法的遊戲時會較論盡。首批iPad只支援以Wi-Fi連線上網，制式為802.11n，試睇網頁時近乎一入網址即Load到，夠爽快，可惜不兼容Flash扣了分。

和13吋MacBook（底）、及iPhone 3GS（面）比較，iPad雖比後者大得多，但仍然輕巧。

和13吋MacBook（底）、及iPhone 3GS（面）比較，iPad雖比後者大得多，但仍然輕巧。

店主指iPad水貨第一天的銷情十分理想，已售出近30部，筆者就目擊有一個人掃走5部，認真誇張。以價錢來說，Wi-Fi版iPad在美國賣499~699美元（折合港幣$3,892.2~$5,452.2），雖然水貨價炒起了不少，但始終早買早享受。

店主指iPad水貨第一天的銷情十分理想，已售出近30部，筆者就目擊有一個人掃走5部，認真誇張。以價錢來說，Wi-Fi版iPad在美國賣499~699美元（折合港幣$3,892.2~$5,452.2），雖然水貨價炒起了不少，但始終早買早享受。

開Wi-Fi用7個鐘

Steve Jobs在1月發表iPad時，好多人唔相信該機能像聲稱般玩足10個鐘。在店舖現場試用，發覺iPad在不斷連線Wi-Fi供人任試之下，亦有約7小時續航能力，都算厲害，如不上網的話，10小時應不成問題。不過，考慮用電腦幫iPad充電的用家要留意，原來iPad除了Mac機及跟機充電器外，很多電腦的USB接口因電量不夠，難以「叉起」iPad，最好用番原廠火牛啦！

iPad使用MacBook Pro的Unibody設計，背面有iPad版本的字樣及拋光面的「Apple」商標。	橫向操作時虛擬鍵盤夠大，並支援Multi-Touch，很易上手。	睇YouTube、睇片畫面效果靚，9.7吋芒解像度夠高。
同樣是iPhone OS，iPad睇網頁無論瀏覽速度同流暢度都好高，快3GS好多，不過因為唔支援Flash，就睇唔到ontv喇！	只有13.4mm薄，薄過很多手機。快捷鍵齊全，其中屏幕轉向鎖定鍵十分有用。不過鏡面屏幕太滑，加上iPad薄得有弧度，一唔小心好易成部跌落地。