官恩娜唔會以髮取人
入行以來一直以長頭髮形象示人的官恩娜（Ella），原來曾經試過skinhead的punk爆造型，昨日她為頭飾品牌Alexandre Zouari Paris活動示範多個頭飾，她表示自己喜歡女生長頭髮，能有多些變化，當模特兒工作都多些。
不過她在英國讀書時就曾把頭髮剷短，她說：「我試過自己剷skinhead，因為嗰時好興punk look，我又好鍾意，當時王菲都剷咗，我覺得好靚。我去髮型屋時啲師傅仲讚我剷得靚。不過我驚校長心臟病發，所以戴假髮返學。」
問她男朋友鍾意她甚麼髮型？她說：「佢係鍾意你就咩都鍾意㗎啦。（抗唔抗拒冇頭髮嘅男仔？）對方都唔想，係生理問題，唔好歧視人，人品先最重要。（男友有冇髮線向上移？）佢OK啦，唔可以以髮取人。」她又揚言感情生活十分之好，很享受拍拖生活，不過作為公眾人物怕被人影到，連在家都要戴帽和太陽眼鏡。