Mandy Lieu笑楊崢咒佢仆
名模Mandy Lieu與楊崢昨日為《Be our Elite Model competition 2010》出任評判，提到Mandy日前行騷仆倒因失戀影響工作心情？Mandy說：「我跌低咗會起番身！」似另有所指，「其實冇啲咁嘅事！我有一次都係着平底鞋仆親！反而高跟鞋冇事。」她又表示早前為模特兒大賽，與參賽者分享過臨場走光及仆倒的應變經驗。
楊崢日前出席《火龍》首映亦不小心拗柴，她表示有向Mandy提及此事，不過對方卻講笑說楊崢咒佢。此外，楊崢又表示透過本報的ontv看到阿Sa及鄭中基舉行的記招，她說：「佢哋處理得好大方，我覺得好感動，真情流露，但有啲可惜，呢個係好文明嘅做法，分手唔會互相爭吵，反而繼續扶持，其實畀大家睇到係一個好嘅經驗！」而Mandy則說：「我唔識（中文）字，唔識睇！」