日前去睇陳奕迅演唱會，真心嬲！點解？當然不是因為歌衫不夠靚，更加不是因為醫神聲沙，唱歌不夠好聽，是因為我正正坐在一個人稱龍友（影相發燒友）的人後面！多謝晒！
你可能不理解我在嬲甚麼？我現在話畀你知……
這個龍友帶了3部相機來看演唱會，傻瓜機、大炮同DV攝錄機！我頂！成個騷，佢由未開場影到完場都仲要影，我都唔知佢係咁影影影，影咁多做咩？身邊朋友話佢應該會喺Facebook開10個陳奕迅演唱會的相簿！救命呀！
我覺得最好笑的是……醫神個背脊你喪影都算喇！你連個吉台都係咁影？黑晒燈，咩都無，你都係咁影？你係咪黐線o架？影完傻瓜機就轉大炮影，影完大炮就用攝錄機再影！影夠未呀？仲未影夠？未……佢全程，無錯是全程成個騷，佢係舉高隻手嚟影……你話佢黐之餘，我係咪應該癲呀？
唉……我第一次睇騷睇到火都嚟埋！
其實我真心想問佢：知唔知你舉高隻手影相，會影響到坐喺你後面的觀眾？你嚟睇騷定影騷？
其實畀你影晒成個騷又點呀？
我話你知：你為了影相錯過了一個精彩的騷。
時裝設計師