這幾天診所對面的橫街已有兩間食肆先後結業，其中一間做了兩三年，應該是租約期滿吧！另一間做了大約一年左右，似乎是業務未如理想而放棄。
經營飲食業是十分專業和辛苦的生意，但在中上環做食肆，理論上如何「難食」都好難執笠的，這兩間食肆的租金約兩三萬元上下，租金合理不算貴，所以死因不明。
不過，以香港人那份拚搏精神，喜歡創業的心態，這兩間小舖的租金再放租時如沒開天殺價，應該很快便能租出的。
有樣生意可和大家分享一下，我最近在 iPhone Apps Download咗個Baby Translator，收費是美金1.99，折合港幣15.5。從介紹知道其功能是可以將BB的哭聲翻譯成文字，咁你便知道自己個BB係肚餓還是口渴，要換片定要抱抱囉……你話係咪好正呢？
呵呵，我又未有BB，下載完就自己喊幾聲來測試玩吓，結果如何？當然係得啖笑啦！個啲翻譯嚟嚟去去都係嗰幾句，Random咁彈出。
不過，這種「娛樂」生意有得做o架，話個軟件可以幫啲貓呀、狗呀、龜龜呀、錦鯉做翻譯，價錢唔貴就大把人會買嚟玩吓，唔得？咪算囉，山大斬埋就有柴……
註冊女中醫