Iron man 新角色支炮識郁

撰文︰陳志滔 攝影︰譚建章

查詢電話︰2388 4677

面罩內藏磁石，掀開後可見電影角色Rhodey，跟演員Don Cheadle十分相似。	放大圖片	送專用地台及4對可換手掌，配件唔算多。

金屬感一流

原著故事裏，War Machine並非主角，極其量只算Iron Man拍檔兼好友，但由於裝甲厚重兼周身武器，Raw味極濃，因此人氣不遜主角，這從電影公司以他作宣傳重點就可見一斑。為隆重其事，HT今次冇沿用Iron Man的舊款模具，而是重新製作，單是誠意已值得加分。上色及美術指導繼續由JC Hong負責，雖然用料係PVC膠，但經大師塗上啞灰色後，金屬感完全返晒嚟，唔摸上手還以為係超合金魂。一如Iron Man，雙眼、心口及雙掌均有亮燈裝置，頭雕更有兩款，其中一款面罩可向上掀起，露出演員Don Cheadle全貌，首辦所見起碼有8成似，不得不佩服頭雕師Kojun功力。

前臂置有機關槍，並可整支拿走。兩邊膊頭都有機關，打開便能插入飛彈匣。	以往12吋Figure的手指都唔識郁，War Machine破天荒用上可動手指，終於可以隨意握拳了！	腳背有AirBrake，內裏經過蝕刻處理，零件細節處都能忠實還原。

裝甲周身刀

話明係War Machine，全身裝甲自然「周身刀」，這點HT亦忠實還原，除兩邊膊頭可換上飛彈匣、前臂後方可裝埋機關槍外，最搶眼還有背脊支火神炮。以往HT於《Bio Hazard》系列都製作過火神炮，但今次靈活性大增，唔單止炮管可作多方向轉動，駁口處更有滑軌用來左右移動，驟眼看真有幾分「吉姆大炮」影子。Figure另一抵讚處係送足4對手掌，其中一對學Bandai MG模型咁內藏關節，手指可動兼能握拳，設計在1/6 Figure中非常罕見。官方表示War Machine後，Iron Man Mark Ⅳ、大奸角「鞭狂」同Black Widow都會緊接登場，Fans們又要儲定彈藥了！

火神炮能多方向轉動，仲有滑軌方便推左推右，相當有心思。

Figure前後都機械感十足，看似笨重，但其實關節位多達36個，靈活性唔比一般機械人模型弱。