翁嘉穗學日文增值

時裝品牌Marc Jacobs於前晚舉行2010年春夏女裝騷,前港姐翁嘉穗、已故時裝設計師俞儷軒女兒陳姿允及陳斯允等出席欣賞。

翁嘉穗表示現忙於湊小朋友以及進修:「我最近學日文,其實以前讀大學有學過,依家想學番,因為我丈夫有啲日本嘅生意拍檔,學日文會方便啲。(會唔會同小朋友一齊學?)唔會,佢好忙,可能要暑假先得閒。」

另外,陳姿允則忙於銀行工作,她稱剛轉到其他部門,每天早上七時上班,她笑言:「最初一個月,好似搭完飛機有時差咁,好辛苦,不過依家習慣咗,我每晚十點就瞓,早睡早起,身體好咗,皮膚又靚咗。」