周倩圯靚女多着數

模特兒周倩圯（Samantha）早前應時裝品牌LANVIN之邀，首次前往巴黎欣賞時裝騷，認識了品牌的設計師Alber Elbaz，並一睹時裝騷的綵排及後台，令她大開眼界。此外，她還欣賞了Valentino、Andrew GN、Paule Ka及JPG等時裝騷，她坦言現場感覺震撼，令她心癢癢想踏足巴黎天橋：「我去咗幾個時裝騷後，認識咗一位法國頂尖嘅時裝評論家Diane Pernet，佢讚我着嘅衫配搭得好好，我仲同咗世界頂級化妝師Pat合照添。」

周倩圯與緋聞男友郭慶彬同場睇騷。
周倩圯與緋聞男友郭慶彬同場睇騷。

今次Samantha在巴黎留了11天，但由於看騷的行程太緊密，她只有一天時間購物，戰利品包括六萬元的Hermes灰色Birkin手袋及Chanel耳環，更自爆「艷遇」：「我喺Hermes買嘢時遇到一位友善又靚仔嘅店員，本來我睇中嘅灰色袋已經畀人訂咗，但佢都特別畀我優先購買。」

周倩圯與世界頂級化妝師Pat留影。
  • 周倩圯與世界頂級化妝師Pat留影。