張曼玉性感魅力成時裝靈光

國際著名時裝品牌Rodarte的姊妹設計師Kate和Laura Mulleavy，與潮店Joyce以及張曼玉（Maggie）同為慈善出力，攜手合作，兩人跟Maggie都不約而同挑選了Maggie主演的四套電影，包括《花樣年華》、《英雄》、《東方三俠》以及《Clean》，Kate和Laura就以Maggie在戲中的造型為藍本，設計了四套獨一無二，並綴以SWAROVSKI ELEMENTS的珍貴服裝作慈善拍賣，為聯合國兒童基金會籌款。兩人前日更為此次盛事首次來到香港，並於昨日接受傳媒訪問。

譽為潮流指標

兩女自言十分熱愛看電影，並異口同聲表示：「Maggie一定係我哋最鍾意嘅頭五位演員之一，我哋幾乎睇過晒佢啲戲，佢係一個好出色嘅演員，好有才華同創意，同埋好Sexy，係一種由內散發出嚟嘅性感魅力！佢亦係一個Fashion icon，擁有獨特嘅氣質，着咩都有佢自己嘅風格。（點解會揀呢四套電影？）我哋揀呢四套電影係因為我哋覺得戲中嘅佢代表到佢嘅Style。」

Kate（右）和Laura坦言十分欣賞張曼玉的演技及才華。

放大圖片

最愛《花樣年華》

四套精心傑作中，兩人最喜歡《英雄》那白色飄逸的設計以及《東方三俠》那神秘華麗的黑色長裙，但電影則最喜愛《花樣年華》。

模仿《東方三俠》神秘華麗的黑裙。

模仿《英雄》的白色飄逸設計。

在這次的合作過程期間，Kate和Laura雖未有機會跟Maggie見面，但卻有一拍即合的感覺，她們說：「我哋同Maggie有共同嘅朋友，不過仲未見過面，好期待見到佢嘅一刻，可能聽日會同佢見面。」

文：名人組