日前Google Map推出了香港全街景的地圖搜尋功能，我等到頸都長埋，終於都輪到香港有啦！好開心！
因為日本澳洲紐約同倫敦的Google Map一早就已經有這個街道實景功能，非常方便！點樣方便？以我這個自助旅行精為例，未出發之前，我會喺部iPhone入面，用這個街道實景功能，去搜尋我預訂的酒店在哪裏？酒店的外貌是怎樣？附近有甚麼容易認到的地標舖頭？我仲會下載個實景落部電話度，等自己去到不會蕩失路，同埋令你唔使行太多的冤枉路！
這個功能對於一個自助遊的人來說，是非常方便！超方便！
其實不僅對自助遊的人方便，對揸車的人來說都非常方便，因為實景功能令你大概知道條馬路是怎樣，你可以怎樣行，令你未去之前，對附近的環境有一點點印象，去到就唔會兜錯路！
其實我覺得好榮幸，因為身為一個香港人，推出香港街道實景地圖搜尋功能，我覺得自己好似好尊貴，哈哈！當然我是誇張了一點，不過，你又要想想，又不見新加坡南韓泰國等地有這個功能？對不起！可能遲吓會有，不過香港有先囉！呢啲咪就係尊貴之嘛！（梅小惠腔）
證明了香港的而且確是一個亞洲國際都會Asia's World City！
時裝設計師