陳奕迅鬼馬潮撐Jeremy Scott
美國鬼才設計師Jeremy Scott向來深受潮人明星愛戴，前晚他來港出席酒會就獲陳奕迅（Eason）、徐濠縈和黃偉文（Wyman）等到場「潮拜」，Jeremy全程任影，與Eason合照時鬼馬非常，晚宴時還邀請Wyman坐在身旁，令Wyman受寵若驚。
以大膽前衞和怪誕聞名的國際時裝設計師Jeremy Scott與adidas Originals自09年春夏合作推出Crossover系列adidas Originals by Originals至今，已是第三度合作。為配合最新的春夏服飾發布，品牌特地邀這位設計大師來港，並於前晚在Brother & Sister舉行酒會，陳奕迅、徐濠縈、黃偉文、楊愛瑾、周柏豪等潮人型爆撐場。
表現熱情
當晚眾人爭相與Jeremy合照，Jeremy全程笑容燦爛，跟眾人又攬又抱搭膊頭，與Eason合照時大擺趣怪甫士。問Wyman是否很喜歡Jeremy？他說：「我本身好鍾意喪同癲嘅人，物以類聚吖嘛。其實今次係我第二次見佢，幾年前喺一個活動度同阿徐負責接待佢，佢喺我哋對波鞋度簽完名就走，冇機會傾偈。今次又係我同阿徐負責接待，我哋食咗餐飯，佢仲記得幾年前見過我，不過就唔記得阿徐。但最奇就係阿徐都話佢當年無去過嗰個活動，搞到我癲咗，我返屋企一定要搵返當日張相出嚟做證。」
一見如故
而整個朝聖過程最令Wyman感到驚喜的，就是晚宴時Jeremy親自欽點他坐到身旁，Wyman說：「佢問我可唔可以坐佢隔籬，我真係受寵若驚，我哋兩個傾到雞啄唔斷，佢話嗰晚好多人着佢嘅設計，但我係配襯得最流露到佢嗰種風格嘅。我哋最後仲交換咗email。我生平見過咁多設計師中，係佢令我覺得一見如故。」
文：名人組