超盈代弟斬纜保家聲
身為賭王四太梁安琪長女的何超盈，的確有大家姐何家淑女風範，見弟弟何猷亨戀情曝光後，有人趁機放料做新聞，為保家聲，甘願為弟弟出頭向女方攤牌說分手，快狠準斬斷萌芽兩星期的戀情。
何超盈（Sabrina）前晚和好友兼Moiselle太子爺陳柏熹，結伴出席於中環的SCAD Gallery開幕禮暨Generation SCAD首展，同場更有周譚蕙菁、已故時裝設計師俞麗軒女兒陳斯允、翁狄森，以及王賢誌等。現場展出三十件全球薩凡納藝術設計學院學生、教授及舊生的藝術作品。
細佬越洋相託
早前本報獨家拍得四太兒子何猷亨和女友拍拖在街頭食豬大腸，後有消息指其女友為o靚模文宇，近日有傳言指因為有人放料，導致Sabrina即代弟弟向女方講分手。前晚喉嚨不適的Sabrina直認不諱：「係，細佬親自叫我同佢講分手，因為細佬喺英國，唔想同佢再有任何關係。（女方做宣傳？）我唔知，我哋唔會接受佢放相，佢哋只係拍咗兩個星期拖，細佬好驚，見到登咗啲相。」自言要保護家人的Sabrina，被問到猷亨會否不捨得時，她說：「冇話唔捨得，（媽咪唔高興？）我哋屋企好嚴，唔鍾意人哋放相做新聞，（係細佬初戀？）我諗唔係。」
不會呷妹妹醋
另外，對於有指母親梁安琪只能日探賭王兩小時之說，Sabrina即否認，「我尋晚先響嗰度過夜，同Daddy一齊食飯瞓覺，佢食魚、飯同燉蛋。」她續說出院當天帶氣球探父親時，逗得對方很開心，至於有說賭王只掛住妹妹超欣，Sabrina說不會呷醋：「Daddy成日鍾意整蠱我，佢知我鬼妹性格好玩得。」Sabrina更言一次過剝了四隻智慧齒，故令面頰消瘦。
文：名人組