親子班鼓勵自學 黎淑賢讚好！
一句「三歲定八十」，讓一眾爹哋媽咪變了「緊張大師」，很多寶寶未夠三歲，不但讀緊N班（Nursery），仲讀過N咁多班。黎淑賢（Bonnie）是典型好媽媽，囝囝Aston只有兩歲四個月大，已安排他入讀不同Playgroup……「要選合心水的，真係唔容易，我覺得上課過程要畀多啲機會小朋友自行探索，咁先可以吸收到知識，從而培養學習興趣。」
最怕公式化
這一代的孩子愈來愈早入學，八、九個月大開始返Playgroup，兩歲已入讀Nursery。在家長角度，小朋友早點接觸群體生活，學認知、學自理、學秩序，總比獨個兒在家玩耍好，然而坊間的Playgroup林林總總，應怎樣取捨？
「Aston就像一塊海綿，會不斷吸收知識，之前上過一些Playgroup，學習模式多以唱遊為主，重複又重複，太公式化了，最終目的只係想小朋友牢記物件名稱、發音、串法等。我認為，真正嘅Playgroup要畀小朋友有機會自由探索，能夠培養孩子嘅學習興趣才最重要！」
愛自由探索
採訪當日，Aston跟媽媽正在上堂，見到這對母子玩得不亦樂乎，看來Bonnie已找到心水Playgroup。該Playgroup名為「多多生活智慧」，其班房設了不同的智慧角落，讓孩子自行探索，除了鼓勵孩子參與社交活動，並着重培養解決問題及獨立思考的能力。
「小朋友愈逼愈唔做，若然有個平台可以畀佢盡情地自由探索，絕對有利成長。呢個Playgroup嘅學習模式好生動，每星期會嘗試唔同嘅活動，例如用牙刷畫公仔、赤腳感受草地等，都係小朋友最基本、最重要嘅認知，雖然有時會玩到周身污糟，但冇所謂啦！」
內向變主動
Bonnie表示，在自由自在的學習環境下，Aston不但學懂草地的英文是「Grass」，仲知道它是綠色的、是濕潤柔軟的，吸收到屬於自己的知識。「呢個Playgroup仲有一個特色，就係老師同學生只會用普通話、英語溝通，而且班裏有唔同國籍嘅學生，小朋友有機會接觸唔同語言。以前嘅Aston，性格比較慢熱、內向，上咗半年Playgroup，出現180度轉變，依家返到屋企會Bi-li-ba-la，同我分享學習上嘅大小事情，可見佢真係樂在其中！」
育兒心得 勿過分限制
身為父母，都想子女好，但要小朋友領情，不能靠強迫，也不能太放任。一向奉行「自由政策」的Bonnie，便反對家長給予子女太多限制。「喜歡周圍探索，係小朋友嘅特性，如果呢樣唔准掂，嗰樣又唔畀搞，對其成長冇好處。記得有一次，Aston對瓶裏嘅茶葉感好奇，打算伸手入去觸摸，我不但沒有阻止，仲倒咗少少茶葉出嚟，畀佢慢慢觀察呢！又好似睇書咁，有時叫佢一齊睇，佢未必聽，但當佢見我好專心咁睇書，就會忍唔住參與埋一份，咁又使乜強迫呢？」
課程資料
課程名稱：多多生活智慧
查詢：2529 1833（多多幼稚園）
網址：www.tutortime.com.hk/
撰文：楊芷穎
攝影：盧展程
部分相片：由受訪者提供