鄭文雅怕捱夜損健康拒復出
鄭文雅、蘇志威、戴志偉、劉丹等昨日到東莞出席「保良局慈善高爾夫球2010」活動，當中經常參與高球活動的鄭文雅，透露日前剛由印度返港：「啱啱由印度返嚟，去咗嗰邊過生日同過年，所以今日係踏入虎年後第一次打波。（點解揀去印度？）暖啲，因為我好怕凍，而且印度係一個好有色彩嘅國家，呢個地方影相好靚，好鍾意呢度，今次除咗玩之外，仲帶咗啲物資畀當地小朋友。」
此外，提到夏文汐復出拍戲一事，鄭文雅坦言不會復出拍電影，她謂：「拍戲唔會，拍廣告可能會，除非劇本好好，如果唔係我都唔想捱夜，覺得身體健康好重要，上年去朋友喪禮多過去飲。」
而近期忙於為草蜢巡迴演出的蘇志威，透露忙於登台少了時間與家人相處，而他又表示今年是草蜢成立25周年，所以十月在港開演唱會。