汪詩詩跟一哥學煲湯冧子丹
去年在影壇大豐收的甄子丹，經常在外地日以繼夜拍戲，體貼的太太汪詩詩一直希望可以學煲靚湯為老公補身。身為上海人的詩詩指上海菜難不倒她，但對有保健功效的廣東湯水則無從入手，因此她四處向人討教，但試過兩次都失敗收場，她說：「我之前煲魚湯，魚檔嘅人教我之前要煎吓條魚，不過冇話我知要用魚袋裝住條魚，搞到條魚散晒，成煲湯都係魚骨。第二次我買咗啲煲湯嘅藥材，但煲出嚟一陣藥味，好難飲，可能係放錯分量。」
粉葛鯪魚湯去骨火
今次詩詩專誠請來世界御廚楊貫一（一哥）親授幾招，包保冇甩拖。一哥今次教詩詩煲粉葛鯪魚湯，他介紹：「呢款湯水有助去骨火，對筋骨疲勞嘅人最適合，所以好啱成日要拍打戲同捱夜嘅甄子丹飲。」而且材料非常簡單，包括鯪魚一條、粉葛兩斤、豬(月展)一斤、赤小豆二両、蜜棗兩粒以及陳皮一角，一哥教路：「鯪魚要洗乾淨煎香，豬(月展)要出水，之後用瓦煲煲水，水滾放晒所有材料，用文火煲三個鐘就得，鯪魚記住用魚袋裝住先放落煲。」詩詩試味後，都大讚好飲，她笑言：「子丹一定鍾意飲，我返屋企要即刻試煲。」
髮型：Carr Cheng @ P.O.P Hairdressing
服裝：中藝 場地：富臨飯店