楊崢權相佑走廊結緣
名模楊崢為即將推出的食譜，先後到歐洲和美國搜集資料，逗留了三個星期，在洛杉磯期間更巧遇韓星權相佑，當天訪問完餐廳的大廚後，在餐廳的走廊遇上到美國拍廣告的權相佑，楊崢說：「我哋喺走廊相遇，估唔到佢先用眼神同我打招呼，我答佢hello，之後大家傾起偈嚟。（有冇畀佢對眼電親？）咁又冇，不過佢好友善，好似一個大男孩，佢仲讚我靚女。（佢想識你？）欣賞個賞囉，佢結咗婚o架啦，大家係有交換電話，佢仲話下次嚟香港搵我。」現時單身的她，坦言搵男友首要條件是單身，笑言有伴免問。
留美期間楊崢前往欣賞NBA球賽，座上客更加星光熠熠，如積碧克及安迪加西亞等，台上台下一樣精彩。至於其新書已進入後期製作，準備於書展推出，單是旅費已投資不少，但她覺得值得：「籌備時遇到嘅人和事都好難得，係錢買唔到嘅。」