鮑魚矜貴，像小記這種升斗市民，通常只會在飲宴或大時大節時，才能一飽口福；但在鮑魚大王楊貫一（一哥）有份開的新餐廳裏，就可以長食長有，皆因餐廳將鮑魚平民化，招牌阿一三寶餐有齊吉品鮮鮑、魚翅撈飯及杏汁官燕，竟賣$168，教來試菜的有線娛樂台主播陸浩明（6 Ho）及李嘉馨（Ali）如何不食上癮？

自設鮑魚場

能將鮑魚平賣，只因餐廳《阿一天下》所屬集團在福建擁有自家鮑魚場，每年產量超過2億隻，餐廳還遍布上海、北京、南京、廈門及新加坡，最新一站就是香港。阿一鮑魚向來是身份象徵，這次平價版由乾鮑換成鮮鮑，一樣不欺場。單看招牌菜阿一三寶餐，$168有齊原隻12頭吉品鮮鮑、大煲黃燜翅、龍皇杏汁官燕及白飯，分量十足，鮑魚、魚翅還用傳統方法炮製，令人回味無窮。

6 Ho、Ali齊齊試食三寶餐，6 Ho自言鮑魚、魚翅合心意，他說：「鮑魚整得入味，魚翅撈飯又食得豪。」Ali則愛養顏燕窩：「杏汁味好香濃，燕窩分量幾多，係女仔都鍾意啦！」

蟲草花燉豬展 $38 以養顏的蟲草花配合豬展、紅棗及圓肉等，足料靚湯燉上三小時，難怪味道清甜無比。	生滾鮮魚腩粥 $28 由於新鮮魚腩來貨少，餐廳只能限量推出魚腩啖落無腥味，而且非常嫩滑，葱、生菜絲及大頭菜則放得整齊另上，賣相吸引。	原隻鮑魚鐵板燒雞扒 $75 鐵板餐也有鮑魚做主角，鮑魚雖小但味道不錯，夠入味，而雞扒肉質滑溜，淋上惹味醬汁更好食。

多樣鮑魚菜

既然有鮑魚場做後盾，餐廳就將它盡情發揮，要不是親眼目睹，還不知原來鮑魚可以配搭蒸排骨飯、鐵板雞扒、鐵板豬扒，雲集各地風味，而且價錢同樣相宜。眼見鮑魚美食林林總總，6 Ho笑言大開眼界，更打算帶家人前來品嘗。

10頭吉品鮮鮑扣海參花膠 $128 36頭遼參軟滑可口，而肚花膠細細隻，可以原件品嘗，蘊含豐富的膠原蛋白，集滋補養顏於一身。	杧果珍珠撈 $26 除鮑參翅肚，餐廳亦有不少選擇，像大受歡迎的甜品，鮮雜果分量特多，混合西米及黑珍珠等，啖啖透心涼。	餐廳空間寬闊，布置舒適，沒有因走平民化路線而失卻格調。

撰文：楊淑英

攝影：陳富權

陸浩明服裝：Number Lock

眼鏡：Mr. Weather

查詢電話：2722 6670