閒時喜愛揸車去打Golf、滑水，但又嫌車身龐大嘅SUV喺山路攻彎唔夠靈活，旅行車喺呢個時候就大派用場。一直以來，寶馬（BMW）3系Touring都以良好操控見稱，代理最近更為323iA Touring進行升級，追加了巨型天幕、軚環加減波、Bi-Xenon頭燈及免匙系統，但$42.9萬的售價維持不變，咁仲唔多個同老婆申請出車嘅藉口？

撰文：鄭浩文　攝影：盧展程　查詢電話：2714 5271(BMW HK)

車廂布局乃一貫BMW特色，豪華之餘又富動感。	軚環追加了加減波按鍵，轉波更輕鬆快捷。	配備了免匙系統，啟動引擎只需按一個掣。

追加巨型天幕

毋庸置疑，旅行車的優點是空間闊落，正如BMW 3系Touring的尾箱容量便達到460公升（放平後排座椅可增加至1,385公升），不管是高爾夫球袋、滑水板以至單車都放得落，其「吞吐量」及實用性比一般三廂式私家車高得多。另一方面，廠方已為全新的323iA Touring配上巨型天幕，其面積比傳統天窗大2.4倍，使前後排乘客都可享闊視野和開揚感，由開車的一剎那已有着度假Feel，心情都靚啲啦！

天幕面積比傳統天窗大2.4倍，可為車廂注入大量陽光。	放平後排座椅後，可騰出1,385公升的載物空間。	後排空間闊落，並設有獨立冷氣送風口。

DSC系統提升安全

全新的323iA Touring可視作為升級版，除了原來的真皮座椅、雙區域恒溫冷氣及桃木裝飾外，還加入了軚環加減波、Bi-Xenon頭燈及免匙系統。由於3系Touring的後座頭部空間比3系Sedan有輕微增長，加上懸掛設定理想，無論在柏油公路或凹凸不平的小路行駛，也有優質的乘坐感。同時，BMW著名的動態穩定系統（DSC）已列為標準配備，若偵測到車身出現異狀，便會透過制動及控制引擎輸出進行修正，以提升安全性。

波箱反應敏捷，運作非常暢順。	引擎在2,350rpm時已可輸出最大扭力，起步反應敏捷。	BMW 323iA Touring外形相當有Outdoor Feel！

試車後話：攻彎好玩!

BMW 3系向來都以出色的操控見稱，旅行版也不會例外，其前後配重更接近50:50的完美比例，加上懸掛調校出色，即使試車當日下着毛毛雨，依然有精準的操控反應。查看規格表，323iA Touring搭載了一台2.5公升6汽缸引擎，最大的馬力、扭力分別為191匹及23.4kgm，並配上六前速自動波箱。筆者嘗試在彎前施以制動及拖波（四轉二），換檔反應可以話非常敏捷，不足1秒已完成整個轉波過程，而且頓挫感不大，非常好玩！

規格表

車型：五門五座位旅行車

引擎：直六

容積：2,497c.c.

最大馬力：191hp/5,900rpm

最大扭力：23.4kgm/2,350rpm

傳動：六前速自動波

極速：231km/h

0~100km/h：8.9秒

體積：4,527×1,817×1,418mm（長×闊×高）

輪距：2,760mm