王珈晴（Bibe）與杜德偉分手至今已六個多月，期間要食安眠藥入睡，如今終於走出陰影，放下這段愛情包袱，她說︰「我終於戒咗安眠藥，戒嘅過程好辛苦，但依家諗通咗，唔再執着，有人唔珍惜自己，自己就要更加痛錫自己。」她續說︰「我之前真係好憎佢，但放開懷抱後，佢生日我都有傳SMS祝佢生日快樂。我依家好想拍拖，搵一個愛惜同痛錫我嘅男人！」為求新一年有姻緣到，她早前更到寶雲道拜姻緣石。

雖然Bibe已忘記傷痛，但她明白愛情不能強求，故抱隨緣態度，現在她專心工作，除模特兒與寫書外，早前還與友人合資在銅鑼灣開設專賣台灣珍珠奶茶的店舖，她說︰「新一年希望事業順順利利，賺夠錢就置業做業主！」