有「鋼琴公主」之稱的孫穎今年在新居過年，她的父母也剛好趕及在澳洲旅行後返港，一家度歲。孝順女孫穎坦言去年發生不少天災，令她感到生命無常，更珍惜與家人共處的機會：「我叫佢哋唔好返江蘇住，留喺香港同我一齊住，爸爸已經答應咗。」談到新年願望，孫穎透露新年前有兩位鋼琴界前輩因心臟病離世，更令她覺得健康可貴，她坦言：「新年願望係希望身邊朋友同親人健康快樂。」

至於新一年的工作大計，孫穎表示：「我今（昨）晚會飛上海，與當地電視台洽談有關製作一個兒童音樂節目；我以往專注表演方面，由上年開始偏重兒童教育工作，因為近年內地經濟起飛，人有咗錢反而更空虛，尤其係青少年，我希望用音樂去充實佢哋。」