著名畫家劉宇一的女兒劉浩眉於大年初一兼情人節當日誕下兒子，本育有一名五歲大女兒的她，剛剛湊夠一個「好」字。

昨日劉浩眉夫婿劉金國接受電話訪問，透露自己有入產房兼替BB剪臍帶，並拍攝整個過程，他說：「BB重七磅十三安士，太太預產期原本係3月1日，我哋亦計劃喺2月18日開刀，點知BB趕住出世，仲喺年初一兼情人節呢個特別日子出世，所以我哋想改一個同呢個節日有關嘅名。（囡囡有冇睇過細佬？）有帶囡囡嚟，不過佢啱啱腸胃炎，所以只係隔住玻璃睇，不過佢畫咗一幅畫畀細佬。」