有「翻版關之琳」之稱的名模Jocelyn，今年是與夫婿Anthony婚後的第二個新年。每年農曆新年二人均會出外度歲，Jocelyn表示並非為避年：「因為新年比較少嘢做，趁呢個機會同老公Anthony去旅行輕鬆吓。我哋上年去咗度蜜月，前年返咗我嘅家鄉夏威夷，今年會去非洲兩星期。」

雖然不是中國人，但為應節，Jocelyn在夏威夷時會到唐人街湊熱鬧，她說：「每逢新年唐人街都好熱鬧，有人舞獅、播音樂、有好多嘢食，最鍾意食年糕同煎堆，真係好好味！附近有小攤檔賣玉器寓意好運，仲可以燃放炮仗，好好玩！」虎年Jocelyn希望身體健康、工作順利，被問到會否生個虎BB？她說：「應該係四、五年後嘅新年願望，哈哈！」