恒生銀行已故創辦人之一何善衡男孫何乃斌的妻子何倍倩（Anina），從事美容業多年，在新一年決定把美容護膚扮靚心得大公開，首次推出個人著作，並將收益全數捐作慈善用途，善心滿溢的她，自然由內靚到外。

Anina經常被身邊朋友請教扮靚心得，她說：「做美容院同代理護膚品令我喺呢方面有好豐富嘅資料，出書可以keep住晒，讓更多人分享。」半年前她開始有出書念頭，因覺得巿面上的美容書籍都不太實用，她說：「好多字，唔係咁practical，又或者講嘅嘢太大路，好似飲多啲水、瞓多啲覺，係人都知嘅。我想做得特別啲，真係可以幫到人解決皮膚問題，會有醫生嘅專業意見，亦有喺屋企都做到嘅護膚方法，甚至名人models嘅獨門配方都有。」剛生完BB只有三個月的Anina更表示獲丈夫支持，所以她也會為老公敷mask做facial。這次出書共投資六位數字，初版印了二千本，所有收益捐予慈善機構。

Anina又邀請了台灣著名化妝師古小偉在書中教化妝，古老師大讚Anina：「大家合作愉快，之前都有用她的產品，我覺得她有氣質，人很隨和友善，一點架子都沒有，還有她的皮膚真是非常好。」