模特兒周倩圯（Samantha）喜歡周遊列國，連農曆新年亦不例外，她表示每年春節到外地旅行已成為慣例：「年三十晚會同屋企人食團年飯，初一就會同朋友去泰國過一個熱辣辣新年，唔怕當地冇氣氛，我哋自己有氣氛咪得囉！」雖然在外地過節，但Samantha自認是迷信一族，年三十晚踏入初一前，她必定洗頭沖涼，以及由內至外換上新衫，她笑言：「我有一年買極都買唔到合心水嘅新衫，惟有着舊衫過年，搞到好唔開心，朋友笑我成個小朋友咁。」

談到新年願望，除了身體健康外，她希望事事順利：「由年頭好到年尾，今年想做嘅嘢都可以達成，我想趁樓巿低時可以置業，成為業主。」

服裝﹕Joan & David