「玩具大王」蔡志明一家平時為工作各有各忙，但感情向來要好的他們在大時大節必定會聚首一堂慶祝，而一對子女加怡與加讚還親手炮製甜品給爸媽品嘗，氹得兩老甜在心頭。
蔡志明和太太李惠莉、女兒蔡加敏（Carmen）與丈夫馬鴻銘、蔡加怡、蔡加讚、以及姪兒蔡加頌和太太一家人到佳寧娜潮州酒家，熱熱鬧鬧食開年飯，鮑魚翅肚樣樣齊，但最特別的卻是醬料XO醬，Carmen表示是嫲嫲秘製：「原本嫲嫲淨係整嚟喺屋企食，佢都教咗我整，我話咁好味不如益多啲人，唔好收埋啲秘方，於是嫲嫲就整埋畀酒樓，仲可以買走添。」
親手餵食甜入心
食過開年飯後，一家人便到了加讚的甜品店SWEETACY吃甜品。加讚和加怡為給家人一個驚喜，特意到廚房炮製兩款賀年甜品「流心朱古力湯圓配玫瑰甘露」及「杧果雪糕泡芙球」氹爹哋媽咪。兩人首先煮朱古力湯圓，接着就夾手夾腳搯雪糕球，並加上各種配料，不過加讚為保持秘密，不願透露是甚麼配料。十五分鐘後，兩人的製成品完成，加讚及加怡即時拿給等待多時的爹哋媽咪，還親手餵他們，令蔡生蔡太甜入心。
大讚又叻又勤力
蔡生大讚三個寶貝子女說：「加敏雖然結婚做咗人媽咪，不過都會返公司幫手。加怡依家就負責我兩間大公司，分分鐘可以令我破產，但佢好叻女，接手咗地產後租金收入上升咗近兩成。加讚就主力做廠嘅生意，佢好畀心機好勤力，做嘢好上心，好肯學，有唔明都會問到識為止。」而他的新年願望就是全家人都健健康康，社會和諧，而在旁的Carmen更鬼馬地說：「我要連生貴子。」
採訪：名人組