明天就是情人節，疼錫Honey的你預備好禮物未？鮮花朱古力嫌大路，鑽石名錶又唔係個個送得起。有否想過送又靚又實用嘅家居用品？等對方嘅起居生活充滿你嘅甜蜜心意，仲唔冧到震！

心聲傳遞 溫馨滿溢

佳節當前，心意絕對不能少。印有心心圖案的產品，又會否成為你跟愛侶的心頭好？

心心相印 甚麼是心心相印？看看這套杯碟就一目了然啦！$150/套（b）	環保浪漫 只需搖搖這顆愛心小燈，便會發出七種漸變燈光，加上可以USB叉電，環保又浪漫！ $188 （a）	沐浴愛河 為愛侶送上這款心心洗澡綿，讓對方掃走一天悶氣，貼身又貼心！$48/個 （a）
燃燒情意 焦糖燉蛋套裝，一套有齊火槍和兩個愛心小盤，輕易「燒」出甜蜜情意！$328 （a）	醉人火鍋 用小鍋跟另一半在家自製朱古力火鍋，加上鍋上心心圖案，情人節實行甜到漏。$199/套 （a）	愛心水煲 每朝用這心形水煲煲水，再沖番兩杯熱咖啡，和情人自然有個Sweet Morning啦！$490/個（b）
變身娃娃 印上心心的俄羅斯娃娃二合一茶杯套裝，身體是茶壺，打開頭便是茶杯，夠晒得意！$320/套（b）	冬甩小盒 飾有小小心形的冬甩瓷器，可讓女孩子放進她最愛的小飾物，又可作擺設，一舉兩得。$300（b）

花花世界 甜美之味

送花冇新意，但花花始終是情人節Icon，跟花花有關的精品，仍是大家的Best Buy；既然有嬌美花花，又怎少得令Honey甜到入心的甜蜜製作小工具？

花之香氣 浪漫香薰備有玫瑰、雛菊等多種香味選擇，隨盒更有鮮花相伴，夠晒細心。$79 （a）

立體玫瑰 玫瑰及心心模具由矽膠製成，可放入焗爐，能輕易將製成品推出並製作立體蛋糕，Sweet爆！$48/3個 （a）

雙雙對對 Sweet到爆

情人節就梗係要雙雙對對啦！既有象徵意義又夠溫馨，以下兩款窩心之選，Darling見到一定感動到喊！

天生懶豬 自覺跟情人都是天生大懶豬，這對豬仔定是你的不二之選！$200/對（b）

齊齊打掃 兩小口總是為誰負責家務爭論不休，若跟另一半一人一對毛毛清潔拖鞋，日日邊行邊打掃，咁就唔使煩啦！$190/對（b）

撰文：楊芷穎 攝影：陳世昌　

模特兒：Kimi、Joe（Kaleidoscope）

查詢： （a）2693 0666 （b）2314 2002