日前，大學同學相約敍舊，不過，今次不是坐低飲杯茶食個包咁簡單，而是去玩槍戰！大家要想像一下，我們全部都是潮人時裝人，平時個個都是高貴同埋靚，今次唔係要睇吓邊個靚到死，而係要用槍射你，射到你死！連充滿想像力的我，都想像唔到，究竟今次的槍戰敍舊係會點？嘩哈哈！

今次我們槍戰的戰場是在一座觀塘的工廠大廈入面，唔好怪我大鄉里出城，原來槍戰好好玩！工廠大廈入面有三層不同的戰場，第一層是荒廢貨倉，第二層是空置辦公室，而最後一層是一個布置成荒郊野外的戰場。

而我們每一個人會獲發2,000發子彈，好開心呀！今次仲唔……有仇報仇！哈！

其實自己從來都未試過槍戰，原來槍戰唔係就咁揸住支槍，係咁射係咁射咁簡單，因為在你係咁射的時候，你已經畀人射死咗！所以一定要事前好好部署，每一個人都要非常謹慎，而且要好有團隊精神！

好多時，我們做設計的，都喜歡活在自己的想像世界入面，經過今次的槍戰敍舊之後，令我重拾遺忘已久的一個感覺，是一種跟一班人一起不怕艱辛勇往直前的感覺！

時裝設計師