胡敏珊（Christie）情人節沒有情人相伴，但已約同一班姊妹共度，昨日她出席CHOUETTE與Olay Regenerist腕錶活動時表示，因買不到機票，去曼谷坐商務位要萬幾，普通位也要六千幾，連澳門酒店初五前也沒有房，惟有將旅行押後，卻否認是避年兼避情人節，只想放假。

問Christie會否與前男友龐維仁翻撻？她說：「蛋撻就有，開心就OK，將來事冇人知。（藕斷絲連？）我今日都冇食蓮藕，總之暫時唔會復合。」龐維仁入主金牌大風後，有傳會力捧新人將鄧麗欣打入冷宮？她說相信是傳聞：「佢應該搞得好好，我哋係好朋友都有交換意見，若有機會都會合作。」

同場的丘凱敏情人節相約胡敏珊等女友人一同慶祝，集體出擊會否擔心競爭？她說不會：「大家taste唔同，我唔愛靚仔鍾意穩重派。（冇頭髮都得？）唔好歧視冇頭髮嘅人，但零頭髮好過少少毛，會覺得好尷尬！」