有「翻版關之琳」之稱的名模Jocelyn與老公Anthony會以刺激的攀山之旅共度第七個情人節，身為浪漫主義者的Jocelyn向老公詐型，表示較喜歡燭光晚餐，而兩夫妻靠廁所的「情趣物品」催情。
已共度多個情人節的Jocelyn與Anthony，沙灘漫步、燭光晚餐已是老調子，所以今年2010年有新玩意，一於以新世代方式過節兼過年，會去非洲攀山冒險，Jocelyn卻向老公詐型：「女仔都係鍾意浪漫晚餐同收玫瑰花多啲，即使收到一支玫瑰花都已經好sweet同心足，可以甜到入心。」
愛情保鮮
雖然Jocelyn鍾情玫瑰花，Anthony卻毋須花費甚巨去氹老婆：「因為我哋屋企兩隻貓好曳，一放花樽喺枱面，貓貓就會推落地。」兩夫妻異口同聲表示小驚喜十分重要，Jocelyn說：「有時我會買花送畀Anthony，show到我對佢嘅愛，我仲成日發甜蜜短訊，可以長期令愛情保持新鮮。」
廁紙傳情
此外，Jocelyn喜歡送甜到漏的食物及小玩具冧老公，Anthony則為老婆下廚，更被老婆大讚「好廚師」：「佢會煮surprise dinner，準備埋蠟燭，一路食一路聽情歌，好浪漫㗎！」日前他倆就到餐廳撐枱腳，煙韌食好味意粉。不過為保持神秘，二人拒絕透露今年為對方準備的情人節驚喜，Anthony反而取笑老婆送禮欠新意，成日送卡：「佢係賀卡公司的終身會員。」Jocelyn即反擊說將心思遍布整個家，更將「情趣物品」收藏在廁所：「我出去公幹時，會收埋啲紙條喺屋企，等佢可以感覺到我無時無刻都掛住佢，我仲試過將紙條收喺廁紙度，要捲晒成卷廁紙出嚟再捲番好，最後畀貼士佢等佢搵晒啲紙條出嚟收埋。」
文：林嘉慈
攝影：沈健程
服裝：BCBG（Jocelyn）
場地：Aspasia@The Luxe Manor