模特兒周倩圯（Samantha）昨日出席護膚品牌Clarins活動，在台上分享美白心得，Samantha透露早前去旅行玩浮潛因沒有搽防曬，導致皮膚甩皮兼痕癢，但沒有見醫生，只搽了蘆薈cream止痕。上年身體健康欠佳的Samantha，表示新年會到泰國旅行，她說：「去啲熱嘅地方過年，因為香港潮濕，驚身體負荷唔到。（會否帶多啲彈藥去購物？）冇，上年成日病，都無乜瘋狂購物，啲彈藥都用喺醫藥上，冇身體就冇彈藥，所以希望今年身體好啲，努力工作，搵多啲彈藥。」
另外，黎燕珊及四洲太子女戴凱欣亦有出席，戴凱欣表示與男友Van拍拖兩年，雖然新年會與家人去台灣旅行，但亦會抽空陪男友過情人節，她說：「屋企人年三十飛，我就年初一先飛，同男友一齊迎接情人節，都想燭光晚餐慶祝。（送乜禮物？）會自己DIY，禮物唔想咁實質，想有啲心思，浪漫啲嘅。」戴凱欣又表示有想過結婚問題，但男友還未求婚，已斷定Van是她的Mr. Right。
