小朋友好鍾意玩，亦好需要玩，因為通過遊戲，有助刺激感官、引起好奇、認識事物、啟發創意、加強專注，更有助訓練體能、協調手眼、親子互動……既然是百利而無一害，要做醒目仔，真係唔玩就笨！以下推介的遊戲室（Playroom），由歐洲教育專家設計，佔地8,000平方呎，分8大主題遊戲區，讓0至8歲的小朋友真正做到從遊戲中學習！

1.童樂小鎮

定期轉換主題場景，如餐廳、郵局、市場等，小朋友可大玩角色扮演（Role Play）；今期主題是「家庭」，讓較少接觸這類玩具的男孩子一嘗「煮飯仔」樂趣，有助提升他們對身邊事的認知能力。

2.幼兒天地

專為3至30個月大的幼兒設計，包括小滑梯、搖木馬、小屋等，還有一張大水床，即使寶寶只有幾個月大，也可讓他躺在床上爬呀爬，刺激全身感官。

3.童話世界

一個舒適的空間，備有不同類型的圖書和布偶公仔，小朋友可藉着演說故事，加強表達能力。平日沒有時間給仔女講Bedtime Story？終於有機會補番數！

4.創意畫廊

供應多種DIY材料和工具，還有環保物資，任由小朋友畫呀畫、剪呀剪、貼呀貼，製作個人作品，發揮藝術天分。

5.親子遊戲區

提供各類桌上遊戲和大型玩意，考驗手眼協調、智力和平衡力，一家大細齊參與，有助促進親子關係。

6.建構樂園

各種積木及組件任砌，讓兒童發揮創造力及想像力，設計自己的夢想王國，同時有助鍛煉大小肌肉以及提升專注力。

7.感知互動地帶

漆黑的帳幕會出現各種燈光、音樂等，刺激聽覺、視覺、觸覺及嗅覺，兼引發兒童的好奇心。

8.鬼馬化妝室

另一種角色扮演遊戲，小朋友可化身小仙女、小王子，進入幻想空間。

Wise-Kids Playroom簡介

場內分8個遊戲區，切合兒童不同方面的發展需要，又定期舉辦不同主題的活動，如LEGO砌砌搭搭工作室等，更會有導師帶領小朋友進行集體遊戲呢！

地址︰薄扶林數碼港商場

入場費︰小朋友$100/位（最多可由兩位成人陪同）

查詢電話︰2989 6298

撰文︰周芷鈺

攝影︰方偉堅

部分相片：由受訪機構提供

模特兒：Terry & Gloria（Kaleidoscope）、司徒弘軒、司徒弘傑